هههههههههههههههههههه
هههههههههههههههههههههههه
بس الاستاذ اللى بيعلمهم الحاجات الوحشه دى اللى تجيبهم ورا نسى هى ممكن تعمل ايه ردأً على خطيبها
(مش أفتراء يعنى)
ونصايح مخصوص من فراشة لكل اللى خطيبها يعمل معاها كده
1 - طبعا هى هتاخدك فى كل حتة علشان تتفشخر بيك قدام اصحابها البنات ما انت القرد بتاعها ههههه هتكلمك تقولك يالله بينا ننزل تقولها روحى يا حبيبتى و انا هحصلك و ادخل نام لك ساعتين ده انت غلبان و طالع عين ام اللى جابوا ابو عم احمد بتاع الفووول
لما يجى يتفشخر بيكى أدام اصحابه ..... قوليله ثوانى وأجيلك وخليه يستنى فى الصاله ويااااريت على باب الشقه ... وبعد ساعتين ... قوليه أسبقنى بقى شكلى هتأخر (وطبعا توقعى منه انه هيبقى فى منتهى الهدوووء).. يدوبك يمشى أضربيك شويه ثوم وشويه بصل (مش مهم أعملى غسيل معده بعد كده)
.... وياريت شويه جاز يقرف فى الشعر أهه يعمل شغل بردو
2 - لو صحيت من النوم نقّى اقذر هدوم عندك و مفيش مانع لاستخدام المقص فى تشويه الهدوم و نعكش شعرك كدة و بعدين انزل لخطيبتك و اصحابها بقى و بعدين كل شوية تحط صباعك فى مناخيرك و حاول تدخل صباعك كله فيها
ألبسى اشيك طقم عندك .... بس ياريت فوقيه أى شوال بتاع بطاطس تدارى بيه اللى لبساه (لحسن تشرفيه ولاحاجه وتبوظى الخطه )... وياريت تلبسى شبشب مقطع علشان الطقم يكمل وياااسلاااااااملوحطيتى مكياااج يااااريت بقى المكياج اللى انتى عارفاه مش هوصيكى يعنى ...هو طبعا لما يشوفك هيبقى فى منتهى الفرح
3 - لو دخلتوا مطعم بقى خلى بالك معايا كُل بشراهه كأنك مشوفتش اكل قبل كدة و متنساش اطلب اكل كتير و اطلب حاجة ساقعه و متنساش الاصوات المصاحبة للانتفاخ الناتج عن الصودا
هو ياريت تطلبى أكل على أد ما تقدرى ... ومش أى أنواع طبعا .. أطلبى الحاجات اللى اول ماتسمعى أسمها ...(عارفه بيحصلك ايه )... وياريت طبعا متحاوليش تاكلى منها ... أعزمى على خطيبك الأول ... وأحلفى عليه ان لازم يخلص اللى طلبتيه ... وانتى أطلبى اللى انتى عايزاه ... وياريت لو تطلبى منجى (مش عصير ) .. وأوعى تقطعيها بالسكينه أو تأكليها بالمعلقه ... عندك ايدين وبوق اتصرفى يعنى'.. وموصكيش على شويه نغمات من اللى تطفش الزبون
- لو جالكم الحساب و انتوا قاعدين فى المطعم او الكافى بص فيه و قول ايه ده انتوا اسعارك نااااار عشان اصحاب خطيبتك يعرفوا انك بخيل و قولهم حاسبوا بقى عشان انا معايا 3 جنيه و 75 قرش مش هيكفوا
5 - بعد الاكل قولهم انا رايح ارجّع فى الحمام و ادخل على اى حنفيه و حط على بنطلونك شوية ميه و اطلع اللى تشوفه سلم عليه و بوسه
لا تعليق
6 - لما تخرجوا تانى ان شاء الله قولهم المكان اللى كنا فيه ده مستحيل نروحه تانى ده اسعارهم نار و كفاية اللى دفعته لكم المرة اللى فاتت ( ألبس لهم الوش )
هو كده كده هيدفع ... بس المهم تقعدى تعددى عيوبه قدام اصحابه (لزوم الفخر يعنى ).... وياريت لو وانتى بتتكلمى تتفتفى شويتين (قال يعنى غصبن عنك)... وكمان متنسيش البصل والتوم اللى اكلتيه لازم ميجيش على الفاضى ... أستخدميهم وانتى بتتكلمى كتييير وبصى للى انتى بتكلميه علشان التأثير يبقى مباشر
7 - لما تحبوا تتفسحوا فى اى حته و يقولولك هات العربية قولهم العربية بايظة و ركبهم ترام او اوتوبيس او سيرفيس او مشروع و لو فيه توك توك ماشى
خليه يحجز فى التوك توك بتاعه ...وأدفعيله الحساب كمااااااان ... (بنت ذوق طبعا بتحاول تصلح اللى عملته فيه طول اليوم )..... وروحى أركبى تاكسى قوليه ورا التوك توك ده يا اسطى (لحسن يزوغ قبل ما تخلصى اللى عندك ).ه
8 - هات معاك بـ 50 قرش لب و بـ 50 قرش سودانى و ازازهم و تف من الشباك و مفيش مانع تبص ورا و انت بتّف القشر
أكيد طبعا الكلام ده لو ركبتى معاه فى التوك توك بتاعه هتكونى جنبه فياريت أعملى زييه وحاولى القشر يجى عل أفا السوق (بخابثه). .. وبعدها قوليله مش عيب عليك الراجل محترم وكل شويه يقول اللهم طولك ياروح ... انت مش هتبطل طبعك ده كام مره أأقولك أفا الناس مش مزبله ( شعلليلها وجهزى نفسك لرياضه الجرى أو القفز من على الحواجز انتى وظروفك وقتها بقى).ه
9 - اوعى تتصل بيها على الموبايل فى اختراع اسمه كلمنى شكراً ببلاش
بصى انتى أبعتى كلمنى شكرا كل لما تبقى فاضيه وياريت تديه نص أو ربع او شروع فى رنه ويتصل هو (ده ان أتصل بعد الموضوع ده أصلا ).ه
10 - فى عيد ميلادها او اى مناسبة خاصة كفاية نص كيلو موز او بجنيه بصل اخضر عشان الميزانية متخرّمش
هو كفايه عليه فى عيد ميلاده ... تقوليه ربنا يجعلها اخر الأحزان وتدمعيلك دمعتين (مش عليه طبعا ده على الزمن والناس اللى حواليه اللى لسه مستحملينه لحد دلوقتى ). ه
ملحوظه : متنسيش تحجزى فى الأسعاف علشان الاكل اللى أكلتيه اااااا .. وممكن علشان خطيبك (أأقصد اللى كان خطيبك )..بعد لما ضغطه على طبعا ده ان كان لسه عايش أصلا .. وبعد الاكل التحفه اللى كله ....
وكده تبقى عملتيله بصمه فى حياته
مع أطيب التمنيات بالحياة المليئه بعكس اللى قلته خاااااااالص |