شوفت فرحنا عامل ازاى

بسم الله الرحمن الرحيم

الفتاة تريد الزواج والستر

والرجل يريد الزواج والعفة

وأبو الفتاة يريد النقود

وأم الفتاة تريد المفاخرة

وأبو الرجل يريد السمعة

وأم الرجل تريد المديح

كلهم سخفاء .. ونخرج منهما أثنين

الفتاة والرجل...

عرس كبير وخسائر ضخمة لليلة واحدة يمرح فيها الجميع ويعيش اثنان فقط من هؤلاء الجمع

حياة تسديد ديون هذه الليلة التي أجبروا على عملها لكي يجمع بينهما بيت الزوجية..

صندوق قمامة ضخم بالقرب من صالة الأفراح تكدست فيه المأكولات من جميع الأصناف

وكثير منها لم يمس أصلاً .. وهناك بالقريب أناس لا يجدون كسرة الخبز في أيام

وهذه المأكولات المكدسة في القمامة صنعت لليلة واحدة فقط .. ليلة عرس...

لكي ينظر لها الزوار لذلك العرس ويتذوقون القليل منها ثم إلى القمامة يصير مقرها...

مشاحنات وخلافات في غرفة الفتاة والرجل المذكور عرسهما سابقاً لعجز الرجل عن توفير متطلبات

وحاجات تلك الغرفة لأنه أصبح مدين لمدة سنين لكي يمرح غيره في ليلة واحدة.. ليلة زفافه ..

الآن الكل أصبح سخيف !!!

نتوقف قليلاً ....

الرجل والفتاة مجبرين على ذلك ... إجابة تقليدية من أشخاص مضحكين سخفاء أيضاً

أين تلك العقول التي كرمنا الله بها عن الحيوانات ...

العقول التي تفكر أنها سوف تخسر أموالها وتستلف الأموال من غيرها فقط لتمرح لليلة واحدة

ومن بعدها تمضي سنوات من أعمارها تحت قهر تلك الديون وتحت ذل المطالبين لأموالهم

تغمم عليهما غمامة من التعاسة والحسرة فقط لأنهم في ليلة واحدة دفعوا مبالغ ضخمة

ليمرح الآخرين ويمتدحهم الآخرين

ثم بدأا رحلة العناء لتسديد تكاليف تلك الليلة .. الرحلة التي ستطول لمدة سنوات

فهل صحيح أن الكل.. سخيف ؟

نفسك يكون فرحك ازاى انت؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قولولى رايكم لو سمحتوا
عشان احنا متهممين بالسخافة فى الافراح
/.,.

كلامك جميل يامسلمه ومنطقي جدا بس هي دي الافراح اللي اتعودنا عليها اي نعم فعلا انها حاجات ملهاش لازمه بس لازم منها والا مش هيبقي
قي فيه احساس الفرح
تقبلي مروري

بصراحة عندك حق فى كل اللى قلتيه
بس احنا حاجة اتعودنا عليه ولو محصلتش مش حنحس بطعم وحلاوة الفرحة
ومع ذلك انا معاكى مش ضدك لكن للاسف لو مثلا رفض العريس او العروسه الفرح
ممكن مايتجوزوش اصلا ويتفركش بسسب كدة وانتى عارفة الاهالى طبعا
وبصراحة انا شايفة انها حاجة تااااافهة جدا لكن لابد منها لان كل عروسه لازم تفرح لان دى ليلة العمر ولازم تحس انها ليله من ليالى الف ليلة وليلة ودة بردو من حقها ومع ذلك فى امثال كتير بتقول مثلا
على اد لحافك مد رجليك .............واللى بيشيل اربة مخرومة.............
وعقبال فرحى وفرحكم انشااااااااء الله
ojiolkl

بصراحه كلامك صح
بس انا هاقولكم انا ناوى اعمل ايه بس مش تقولوا دا بخيل مش عاوز يعمل فرح
فى ليله قبل ليلة الدخله اسمه الحنه الليله دى انا واصحابى هانقضيها لعب بالعربيات
وليلت الدخله هاعمل عقد قرآن فى المسجد
وزفه بالعربيات بردوا وليه حلوه
وناوى اقطع تزكرتين ليا انا وشريكة حياتى نطلع نعمل عمره
ونزور الرسول والمسجد الحرام ونبدا حياتنا حياه حلوه وجيله
ودا اللى اتفقت عليه مع اهلى
بس لسه بقى لما ربنا يكرمنى بالعروسه مش عارف رايها يبقى ايه بس انا من الأول
هاعرفها علشان نبقى على وضوح كدا من الأول
علشان ماجيش بعد الخطوبه بفتره واقولها تزعل وتقولى انا عاوزه فرحا زى صحباتى
ونرجع نفسخ الخطوبه ونفركشها
دا اللى هاعمله بجد ومن زمان بفكر فيه بس ادعولى ربنا
يبعتلى بنت الحلال اللى اقضى معاها بقيت عمرى
دعواتكم معايا
وعاوز رايكم فى كلامى

وانا معاكم فى اللى انتم يتقولوه

لكن احنا عاوزين نرجع الافراح الاسلامية من تانى

ونفى اقيم فرحى ان شاء الله على السنة

انا عن نفسى بحلم بفرحى يكون زى ما ها قولكم

انا هكون عروسة زى كل البنات

لكن وسط اهلى من النساء

وكذلك صحباتى

اما العريس فيكون مع الرجال فى المسجد

يقيموا الفرح هناك على ذكر الله وطاعته

وبعد ما بنتهى تبدأ الزفة

وتكون بعد صلاة العشاء ان شاء الله

ويكون فيها عربيات كتير

ونفسى يكون فى ضرب نار فى الفرح

لكن بدون اصابات

وبعدها نسهر اناوهوا فى اى مكان هادىء

وسط اسرتنا الصغيرة

ونذهب بعدها الى بيتنا

ونبدأحيا تنا بصلاة ركعتين معا

ليبارك الله لنا فى حياتنا

ونفسى يكون زوجى يعبننى على طاعة الله

ويكون متبع للنبى (عليه الصلاة والسلام) فى كل اعماله

ويعيننى على ذلك

وده حلمى الصغير

اللهم اعنى على تحقيقه

/.,.