عايزين تغير

[/justify]
لو حسيت ان حياتك مفهاش جديد وانها طلبه التجديد
ومفهاش اى نوع من الترتيب ولا فيها هدف عظيم
ماتلومش على نفسك الغلط مش فيك ولا عارفين الغلط فى مين
بس اهو ادينا عايشين فى الدنيا ماشين
وهما فاكرنا مبسوطين مع اننا مخنوقين
ومن جوانا مش مرتاحين احنا عايزين تغير
حاسين ان حياتنا ملهاش اى معنى ومفيش احلام قدمنا
ولا فيه هدف فى خيلنا طب نعمل ايه فى املنا
ده مفيش طريق امامنا
هما عايزينا نبقا كده للحق ساكتين وفى الدنيا تايهين
وللهدف نايمين وللظلم مطنشين
بس احنا عايزين للمستقبل باصين
بندور على شىء جديد على حاجه تغير حياتنا
على حاجه تحقق احلامنا عايزين نغير نفسنا او نغير حياتنا
بادينا كلنا نعمل شىء عظيم فى الدنيا ليه تمجيد
الناس كلها تبص ليه وتقول هو ده التجديد
ونعيش حياه جميله مفهاش اى نوع من الترهيب
عايشين فى مجتمعنا حاسين انه مش تبعنا
ولا الحياه دى حياتنا ولا دى طريقتنا ولا هيا دى عادتنا
لو حسيت ان الدنيا دى بيت وفيه ناس داخلين بيدمروا فى كل جميل
قولى هتعمل ايه
هتسيب البيت وتهرب وتروح لبيت جديد
ولا هتعمل خطه للناس دى فيها تدمير
ولا هتعمل للى هما اتلفوه تصليح وتسيبهم يكملوا تخريب من غير اى تعليق
واحنا هنغير حياتنا عشان المجتمع ده مجتمعنا
هنشوف كل قديم ونجدده هنشوف كل جديد ونحسبه
هنغير افكارنا ونشوف الصح ونحطه قدمنا
مش عايزين تغريب ده احنا عندنا اصول التطوير
عايزين نطور التعليم وفى الناهج يبقا فيه تجديد
للعلم فاهمين للجهل مش عايزين
ونقضى على التخريب
ومحتاجين مشاريع للصحراء تعمير
واقتصاد يبقا كبير منتجات ننافس بيها كل المنتجين
منبعش شركتنا للغرب فاتحينها
ونرفع اجور الموظفين وشغل للشباب العطلانين
ومعاش كويس للى للعمل خارجين
وتامين للناس الغلبانين
وفى بيئتنا نرفع شعار القضاء على التلويث اللى موتنا
ونوفر مسشفيات للناس العيانين
وخصم للمحتاجين ولولاد بلدنا احسن تدعيم
مش عاوزين نحس ان حياتنا ملهاش لازمه والحياه فيها ازمه
عايزين نعيش هدف وفى عنينا امل
نغير حياتنا ونطور بلدنا
ونقول مصر للمصريين
عايزين نغير النظام
فى حياتنا يبقا فيه احترام لاى واحد فى مجتمعنا عمل شىء عظيم
فى الحياه ليه تقدير
عمل بجد حاجه جميله فى الدنيا ليها قيمه
دى حاجه بخلاف السيما
بيقولوا بنصور واقع ما الناس عارفه الواقع من غير ماتقولو عليه
سايبين الايجابيات وبيعرضوا فى السلبيات
ده احنا خلاص من الحجات دى طهقانين
مفيش بجد حاجه عندكوا ليها حد
احنا عايزين للحجات دى حل
لو بصينا للاغانى هنلاقيها مستوى تانى
كل من هب ودب عايز يبقاله جو
بيغنى حجات مش مفهومه ملهاش اى لزومه
الاغانى دى فن محتاجه اللى يقدرها واللى بجد يعرف محتاجها
كانك بترسم رسمه من غير الوان اغنيه من غير كلمات
بجد حياتنا بالطريقه دى ملهاش لازمه
لازم نقف لحظه نشوف ايه الازمه
نبص لنفسنا ونعرف ايه اللى فى نفسينا
ونخليه حلمنا ونسعى وراه لحد مايبقا حقيقه فى ارضنا

فعلا كلنا عاوزين تغير ولا زم نتغير
ما شاء الله عليكي يا نور

تقبلي مروري

فعلا محتاجين كلنا للتغيير بس لازم كلنا نبقى ايد واحدة عشان يحصل التغيير

موضوع جميل جدا
تسلم ايدك يا اجمل نور

موضوع جميييييل يا نور
تسلم ايدك
بس للاسف بيقلب المواجع
من كتر الاحباط الوحد بجد فقد اى امل فى التغيييييييييييييييييييير